Թուրքիայում հարձակվել են ընդդիմադիր կուսակցության գրասենյակի վրա և սպանել աշխատակցին. Ermenihaber

Hayk Armenyan
166

Թուրքիայի Իզմիր քաղաքում զինված հարձակում է տեղի ունեցել քրդամետ ընդդիմադիր «Ժողովուրդների դեմոկրատական կուսակցության» (ԺԴԿ-HDP) գրասենյակի վրա։ Հարձակման հետևանքով սպանվել է գրասենյակի աշխատակիցներից մեկը։

Իզմիրի նահանգապետարանի տարածած հայտարարության մեջ նշվում է, որ հարձակումը գործել է նախկին բուժաշխատող Օնուր Գենջերը։ Նա այժմ հայտնաբերված և ձերբակալված է։

Հայտարարություն է տարածել նաև «Ժողովուրդների դեմոկրատական կուսակցությունը»՝ նշելով, որ ամիսներ շարունակ իրենց թիրախավորել են իշխող կուսակցությունը և ներքին գործերի նախարարությունը։ Վերջիններս քաղաքացիներին անընդհատ սադրել են HDP-ի դեմ և նրանց ուղղորդել դեպի կուսակցության գրասենյակ։ Այդքան ատելություն գեներացնելու հետևանքով էլ եղավ այդ զինված հարձակումն ու մարդասպանությունը։

Ավելի ուշ մամուլի հրապարակումներից հայտնի դարձավ, որ հարձակում գործած անձը «Գորշ գայլեր» ծայրահեղական խմբավորման համակիրներից է։

Հատկանշական է, որ հանցագործը դեպքից մեկ օր առաջ սոցցանցում հակահայկական գրառում է արել: Նա, սպառնալով հայերին, գրել է, որ ինքը վրեժով է լցված և ստիպելու է, որ հայի արյուն թափվի:

 

Աղբյուր`    Cumhuriyet
Հաջորդիվ

Էրդողանի անդրադարձը «Շուշիի հռչակագրին» և «Զանգեզուրի միջանցքին». Ermenihaber

166 Թուրքիայի նախագահ Ռեջեփ Թայիփ Էրդողանը լրագրողներին ներկայացրել է Ադրբեջան կատարած այցի օրակարգը: Նա նշել է, որ Ադրբեջանի «մշակութային մայրաքաղաք» Շուշիում քննարկել են բոլոր ոլորտներում 2 երկրների միջև համագործակցությունը խորացնող […]

«Կայծ» լրատվական


This will close in 7 seconds