Սիրիացի վարձկան ահաբեկիչները դատապարտվեցին ցմահ ազատազրկման

Hayk Armenyan
280

Սյունիքի մարզի ընդհանուր իրավասության դատարանը մայիսի 4-ին, Արցախի դեմ ռազմական գործողություններին ն

րգրավված Սիրիայի քաղաքացի երկու վարձկան ահաբեկիչներին դատապարտեց ցմահ ազատազրկման։

Սյունիքի ընդհանուր իրավասության 1-ին ատյանի դատարանում դատավոր Նապոլեոն Օհանյանի նախագահությամբ առավոտյան սկսված նրանց դատաքննությունն ավարտվեց մեկ ժամ առաջ:

Քրեական գործով հիմնավորվել է, որ Մուհռաբ Մուհամմադ ալ-Շխերին եւ Յուսեֆ Ալաբեթ ալ-Հաջին, չհանդիսանալով Ադրբեջանի Հանրապետության քաղաքացի, մշտապես չբնակվելով դրա տարածքում, ընդգրկված չլինելով Ադրբեջանի Հանրապետության զինված ուժերի անձնակազմում, այլ հանդիսանալով Սիրիայի Արաբական Հանրապետության քաղաքացիներ, Սիրիայի Արաբական Հանրապետության կամ այլ պետության կողմից ուղարկված չլինելով Ադրբեջանի Հանրապետության զինված ուժերի կազմում պաշտոնեական պարտականություններ կատարելու համար, նյութական հատուցում ստանալու դիմաց, կազմակերպված խմբի կազմում մասնակցել են Ադրբեջանի Հանրապետության ռազմաքաղաքական ղեկավարության կողմից 2020 թվականի սեպտեմբերի 27-ից սանձազերծված ագրեսիվ պատերազմին, որի ընթացքում նրանց գործողություններն ուղղված են եղել Հայաստանի Հանրապետության եւ Արցախի Հանրապետության տարածքում քաղաքացիական անձանց եւ զինված ընդհարման ժամանակ ռազմական գործողություններին անմիջականորեն չմասնակցող անձանց ոչնչացնելուն կամ ծանր մարմնական վնասվածք պատճառելուն, իսկ այդ գործողությունների նպատակն իրենց բնույթով եւ էությամբ ուղղված են եղել խաղաղ բնակչությանն ահաբեկելուն՝ ապակայունացնելով Արցախի Հանրապետության եւ Հայաստանի Հանրապետության ներքին վիճակը։

Վերը նկարագրված հանցավոր արարքները կատարելու համար Սիրիայի Արաբական Հանրապետության քաղաքացիներ Մուհռաբ Մուհամմադ ալ-Շխերիին եւ Յուսեֆ Ալաբեթ ալ-Հաջիին մեղադրանք է առաջադրվել՝ ՀՀ ՔՕ 217-րդ հոդվածի 3-րդ մասի 1-ին կետով, 389-րդ հոդվածով, 34-390-րդ հոդվածի 1-ին մասի 1-ին կետով, 34-390-րդ հոդվածի 3-րդ մասի 1-ին կետով եւ 395-րդ հոդվածի 3-րդ մասով։

Աղբյուրը՝ orakarg.com

Հաջորդիվ

Էրդողանին մեղադրում են 159 տոննա ոսկու կորստի մեջ

280 Հունական աղբյուրներն հայտնում են․ Թուրքիայի ԿԲ-ն մեղադրել է Էրդողանին 159 տոննա ոսկի կորցնելու մեջ Ըստ OpenNews ֊ի զեկույցի, Էրդողանի դեմ մեղադրանքներ են ներկայացրել` երկրի Կենտրոնական բանկի պահուստներից 159 տոննա […]

Կարդացեք նաև՝

«Կայծ» լրատվական


This will close in 7 seconds