Ինչ կարգով և որ դեպքերում ոստիկանության ծառայողը կարող է կանգնեցնել տրանսպորտային միջոցը

Hayk Armenyan
261

Երթևեկության մասնակիցների ուշադրությունն իր վրա հրավիրելու համար կարող է ազդանշան տրվել նաև սուլիչով: Ճանապարհային երթևեկությունը կարգավորելիս ոստիկանության ծառայողը, իրավիճակից ելնելով, կարգավորիչ ազդանշաններին զուգահեռ, կարող է ազատ ձեռքով տալ վարորդների և հետիոտների համար ընկալելի այլ ազդանշաններ: Ազդանշանները պետք է հասկանալի լինեն վարորդին և տրվեն ժամանակին, որպեսզի դրանց պահանջների կատարումը չստեղծի վթարային իրադրություն:

«Ճանապարհային երթևեկության անվտանգության ապահովման մասին» օրենքի 17-րդ հոդվածով սահմանված է, որ Ճանապարհային երթևեկությունը կարգավորող ոստիկանության ծառայողը պարտավոր է սահմանված կարգով ազդանշան տալով կանգնեցնել տրանսպորտային միջոցը, եթե՝

ա․ ակնհայտ կամ տեխնիկական միջոցների օգտագործմամբ երևում է, որ վարորդը խախտել է ճանապարհային երթևեկության կանոնների պահանջները, կամ տրանսպորտային միջոցի ընթացքը կամ տեղափոխվող բեռը, կամ վարորդը կամ ուղևորներն իրենց վարքագծով ակնհայտորեն վտանգ են ստեղծում երթևեկության անվտանգության համար.

բ․ բավարար հիմքեր կան կասկածելու, որ տրանսպորտային միջոցը կամ դրա ներսում գտնվող անձինք գտնվում են հետախուզման մեջ.

գ․ անհրաժեշտություն կա վարորդներին տեղեկացնել ճանապարհներին առաջացած վտանգների, անբավարար պայմանների մասին:

Բացի վերը նշված դեպքերը ոստիկանության ծառայողները կարող են տրանսպորտային միջոցները կանգնեցնել նաև Հայաստանի Հանրապետության ոստիկանության պետի կամ նրան փոխարինող անձի կողմից լիազորած հատուկ միջոցառումներ անցկացնելիս:

Աղբյուրը՝ orakarg.com

Հաջորդիվ

Ալիևը հայտարարել է, որ Հայաստանի հետ աշխատում է Զանգեզուրի միջանցքի շուրջ. Իրականում

261 Ադրբեջանի նախագահ Իլհամ Ալիևը հայտարարել է, որ այս պահին աշխատում ենք Զանգեզուրի միջանցքի շուրջ․«Այժմ մենք աշխատում ենք Զանգեզուրի տրանսպորտային միջանցքի ուղղությամբ, որը կդառնա Ադրբեջանի տարածքով Ասիան Եվրոպային կապող Արևելք-Արևմուտք […]

«Կայծ» լրատվական


This will close in 7 seconds