Լուրեր Հայտարարություններ

Արմենականների շնորհավորական ուղերձը ՀՀ Անկախության տոնի առթիվ

Երկար դեգերումներից հետո վերջապես 1991թ․–ի սեպտեմբերի 21-ին Հայ ազգի հավաքական կամարտահայտմամբ վերականգնվեց Հայոց պետականությունը, որն ուղիղ շարունակությունն է Հայաստանի Առաջին Հանրապետության, և իրավատերը Հայ ազգի պահանջատիրական իրավունքների, որոնք իրենց հանգրվանին պետք է հասնեին Սևրի դաշնագրով Հայ ազգի իրավունքը՝ իր պատմական Հայրենիքում ապրելու և ազատ կենսագործելու, վերականգմամբ։

Վստահ ենք, որ Հայոց նորօրյա պետականության 29–ամյա վերուվարին փոխարինելու է գալու մեր բոլորի հավաքական իղձերի Հայաստանը՝ մեր բոլորի աշխատանքի ու անխոնջ պայքարի շնորհիվ։ Եվ վստահ ենք, որ մի օր պիտի իրագործենք մեր պապերի նվիրական երազանքը, հաջորդ սերունդներին թողնելով «Ազատ, Անկախ եւ Միացյալ Հայաստան»։

Շնորհավո՛ր տոնդ, Հայաստա՜ն․․․

21.09.2020թ․                                                             

Երեւան

Արմենական Կուսակցության հիմնադիր հանձնախումբ